طريقة عقاب الاطفال بدون ضرب أو صوت عالي

كثير من الامهات والاباء اول ما يسمعوا كلمه عقاب يبقى مفيش غير الضرب والصوت العالي وده طبعا أثبت عدم فاعليته في تهذيب سلوك الطفل بل وله أثار نفسيه سيئة على الطفل في ايذاء مشاعره وفى هذا المقال سنناقش طريقة عقاب الاطفال بدون ضرب لتهذيب سلوكهم .
طريقة عقاب الاطفال بدون ضرب
لابد لكل أب وأم يعرفوا هو احنا ليه بنعاقب الطفل ؟
– هل عشان غاظونا فبننتقم ونشفى غليلنا فيهم .
– ولا بنعاقب اطفالنا عشان يتعلموا الصح من الغلط ويطلع طفل مهذب سلوكيا ومحترم لنفسه قبل ما يظهر كده امام الاخرين … وهو ده هدف العقاب ..
لماذا لا يعد الضرب وسيله مثاليه للعقاب ؟
– لان الضرب هيكسر جزء من نفسيته واحترامه لنفسه
– لان الضرب هيوصله انه غير محبوب .
– لان الضرب هيولد جواه كبت وهيتحول لطفل عدوانى على اخواته واصحابه .
– لان الضرب هيخليه طفل جبان لأنه هيخاف يعمل أي حاجه او يتكلم لحسن تكون النتيجة الضرب فهيقرر يسكت أحسن لان الضرب مش بيعلمه الصح من الغلط هو بس عقاب .
– تعنيف الطفل يولد فزع ليلى , تهتأه في الكلام , توتر عصبي يظهر في مص الاصابع او قضم الاظافر .
معلومه هامه اخرى لابد ان يستوعبها الاهل :
– لو الطفل لم يعش شقاوة طفولته وهو صغير فمتى سيعيش تلك المرحلة؟
احنا بكبتنا لشقاوته وتنطيطه بنحرمه من احلى سنين عمره  وهتخليه يعيش طفل وهو كبير لأنه اتحرم من الفترة الجميلة دى وهو صغير.
احسن طريقه نعاقب بيها اطفالنا ما هي ؟
– هناك نوعان من العقوبه :
ياما عقوبه ضاره : ضرب واهانه فقط بأنتقام وغيظ
ياما عقوبه نافعه : اللي بتعتمد على التحاور مع الطفل بعد ان يفعل سلوك ما خطأ وتفهيم الطفل ان التصرف الذى فعله خطأ والصح ان يفعل كذا  بدون اهانه له شخصيا او ضرب او تعنيف لفظى او ترهيب بصوت عالي .
-ليست كل تصرفات الاطفال غلط لكن ممكن تكون غلط من وجهه نظرك انت خاصه لو انت أب او أم متسلطين او مثالين فينعكس على تربيه الطفل بالسلبى لاكم لا تتيحوا له مساحه من التحرك كا يريد وفقط يعيش الطفل يلبى اوامركوا .
 
ان كرر الطفل هذا الخطأ مره اخرى بعد توجيهه فماذا نفعل ؟
– نقدم عقوبات حرمانيه مثل : الحرمان من الذهاب لاحد اصدقائه
– الحرمان من اللعب بالفيديو جيم او الايباد .
– او تقسرى مثلا ميعاد زياره فاذا كان الطفل يحب الذهاب الى جدته فتذهبى معه ولكن كعقاب تجلسوا فتره قليله فقط مثل ساعه فقط فهذا عقاب أشد لان الطفل سيشعر انه تحمل نتيجة خطأ فعله وحرم من شيء يحبه فلن يكرر هذا الفعل .
ولنجاح هذا الاسلوب في العقاب لابد ان تكون هناك استمراريه وثبات فيها حتى يتعلم الطفل ضبط النفس بمعنى انه ليس هناك تجاوزات او مره نحرمه ومره اخرى لا نحرمه عندما يكرر هذا الخطأ .
ان فعل الطفل سلوك جيد امدحيه عليه كده بتشجعيه انها تصبح عاده عنده .